കൊച്ചു കൊച്ചു സന്തോഷങ്ങൾ!

 


കുറെ വർഷങ്ങൾ കഴിഞ്ഞ് നിങ്ങളുടെ ജീവിതത്തിലേക്ക് തിരിഞ്ഞു നോക്കുമ്പോൾ കുറച്ചല്പം സന്തോഷത്തോടെ ഓർക്കുന്ന നിമിഷങ്ങളെന്തൊക്കെയായിരിക്കും?
നിങ്ങൾ ചെയ്ത വലിയ വലിയ കാര്യങ്ങളായിരിക്കുമോ? അതോ വലിയ കാര്യങ്ങൾക്കിടയിൽ ചെയ്ത ചെറിയ സംഗതികളായിരിക്കുമോ?

ഒരു സർക്കാർ ജോലി നേടിയിട്ടു വേണം സന്തോഷിക്കാൻ, കുറച്ചു കൂടെ പണമുണ്ടാക്കി ഒരു കാറ് വാങ്ങണം, എന്നിട്ടു വേണം ഒന്നർമ്മാദിക്കാൻ, വീടുപണി തീർത്തിട്ടു വേണം ജീവിതമാസ്വദിക്കാൻ, കുട്ടികളായിട്ട് വേണം ആനന്ദിക്കാൻ, കുട്ടികൾ മുതിർന്നിട്ട് വേണം, റിട്ടയർ ചെയ്തിട്ട് വേണം ജീവിതം സമാധാനപൂർവ്വം അനുഭവിക്കാൻ... ഇങ്ങനെ വലിയ ലക്ഷ്യങ്ങൾ കൈവരിച്ചിട്ടു വേണം സന്തോഷം കണ്ടെത്താൻ എന്നാണ് പലപ്പോഴും നമ്മൾ കരുതുന്നത്.

വലിയ ലക്ഷ്യങ്ങൾക്കു പിറകെ പോകുമ്പോൾ നഷ്ടപ്പെടുന്ന ഒന്നുണ്ട്, ചെറിയ ചെറിയ കാര്യങ്ങളിൽ കണ്ടെത്താവുന്ന സന്തോഷങ്ങൾ!

നിങ്ങളുടെ പ്രണയ കാലത്ത്, അല്ലെങ്കിൽ കാമുകീ,കാമുകന്മാർ സല്ലപിക്കുന്ന സമയങ്ങളിൽ അവരെന്തായിരിക്കും സംസാരിക്കുന്നുണ്ടാവുക? ആഗോള പ്രശ്നങ്ങളായിരിക്കുമോ അതോ ചെറിയ കാര്യങ്ങളായിരിക്കുമോ?
തീർച്ചയാണ്, ചെറുതുകളായിരിക്കും.
ചെറിയ കാര്യങ്ങളിൽ സന്തോഷിക്കാൻ എളുപ്പമാണ്.

സാധാരണം എന്ന് നമുക്ക് തോന്നുന്ന കാര്യങ്ങളായിരിക്കാം പിന്നീടുള്ള കാലത്ത് ഓർത്തിരിക്കാനും സന്തോഷിക്കാനുമുള്ള സുഖകരമായ നിമിഷങ്ങൾ. നിങ്ങളുടെ പ്രിയപ്പെട്ടവരുമൊത്തുള്ള വൈകുന്നേര നടത്തങ്ങൾ, രാവിലെയുള്ള ജോഗിങ്, തട്ടുകടയിലെ ചായകുടിക്കൽ, ഒരു കാര്യവുമില്ലാതെ ഊടുവഴികളിലൂടെ ബൈക്കോടിച്ചു പോകുന്നത്, ചെറിയ ഔട്ടിങ്ങുകൾ, ഒരുമിച്ചുള്ള കുക്കിങ് പരീക്ഷണങ്ങൾ, ഒരു ചെടി നടുന്നത്, ഒരുമിച്ച് പാട്ട് കേൾക്കുന്നത്, സിനിമ കാണുന്നത്, നട്ടപ്പാതിരാക്ക് ഒരു കട്ടനിട്ട് കുടിക്കുന്നത്, നമ്മളെ സ്നേഹിക്കുന്നവരുടെ കൂടെ അവരാഗ്രഹിക്കുന്നത്രയും സമയം ചിലവഴിക്കുന്നത്, ഇഷ്ടപ്പെട്ട ആളെ കെട്ടിപ്പിടിച്ച് ഒരു ഉമ്മ കൊടുക്കുന്നത്, മനസ്സിനിണങ്ങിയ ഭക്ഷണം കഴിക്കുന്നത് അങ്ങിനെയങ്ങനെ പറഞ്ഞാൽ തീരാത്തത്ര കൊച്ചു കൊച്ചു ആനന്ദ നിമിഷങ്ങൾ..

ഒരു യാത്രയിൽ, ലക്ഷ്യസ്ഥാനത്തെത്തി കാഴ്ചകൾ കണ്ടാസ്വദിക്കുന്നതും, സഞ്ചരിക്കുന്ന വഴികളിലെ കാഴ്ചകളെല്ലാം ആസ്വദിച്ചു പോകുന്നതും തമ്മിൽ വലിയ വ്യത്യാസമില്ലേ? യാത്രയിലെ ഓരോ നിമിഷവും ആസ്വദിക്കുക. വലിയ ലക്ഷ്യങ്ങളുടെ കൂടെ ചെറിയ സന്തോഷങ്ങളും ശ്രദ്ധിക്കുക. ഇപ്പോഴുള്ള നിമിഷങ്ങളിലേക്ക് നോക്കുക, ഓരോ നിമിഷവും സന്തോഷകരമാവും.

ഒരുപാട് കാലങ്ങൾക്ക് ശേഷം ജീവിതത്തിലേക്ക് തിരിഞ്ഞു നോക്കുമ്പോൾ ഓർത്തിരിക്കാൻ സുഖമുള്ള നിമിഷങ്ങൾ.

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

കുട്ടികൾ മണ്ണിലിറങ്ങണോ?

ഇമേജ്
  വിമാനാപകടത്തിൽ പെട്ട് ആമസോൺ കാട്ടിൽ അകപ്പെട്ട നാല് കുട്ടികൾ 40 ദിവസം അവിടെ അതിജീവിക്കുകയും, അവരെ കണ്ടെത്തി രക്ഷപ്പെടുത്തിയതുമായ അസാധാരണമായ അതിജീവന കഥ ലോകം മുഴുവൻ അത്ഭുതത്തോടെയാണ് നോക്കിക്കണ്ടത്. ഈ കുട്ടികൾക്ക് അവരുടെ അമ്മയോടൊപ്പമുള്ള വിമാന യാത്രയിലാണ് ദുരന്തം സംഭവിച്ചത്. അവരുടെ വിമാനം തകർന്നു, പൈലറ്റും, കുട്ടികളുടെ അമ്മയും, മറ്റൊരു മുതിർന്നയാളും മരണപ്പെട്ടു. ആ കൊടും കാട്ടിൽ ഒരു വയസ്സുകാരൻ ഉൾപ്പെടെയുള്ള നാല് കുട്ടികൾ മാത്രം ബാക്കിയായി. ആരും സഹായത്തിനില്ലാതെ, കഴിക്കാൻ ആവശ്യത്തിന് ഭക്ഷണമില്ലാതെ, കുടിക്കാൻ വെള്ളമില്ലാതെ, ജീവന്മരണ പോരാട്ടത്തിലേക്ക്. അകെ കഴിക്കാനുണ്ടായിരുന്നത് വിമാനത്തിന്റെ ആവശിഷ്ടങ്ങളിൽ നിന്ന് അവർക്ക് കിട്ടിയ കുറച്ചു കപ്പപ്പൊടിയും ഒരുപിടി വിത്തുകളും ഉൾപ്പെടെ വളരെ പരിമിതമായ വിഭവങ്ങൾ മാത്രമാണ്. തുടക്കത്തിൽ ജീവൻ നില നിർത്താൻ ഇതുകൊണ്ട് കഴിഞ്ഞു. കുട്ടികളിൽ, മൂത്തയാൾ ഈ പ്രതികൂല സാഹചര്യത്തിൽ വഴികാട്ടിയായി മുന്നോട്ട് വന്നു . അസാമാന്യ ധൈര്യവും നേതൃപാടവവും പ്രകടിപ്പിച്ച അവൾ തന്റെ ഇളയ സഹോദരങ്ങളുടെ രക്ഷയകയായി മാറി. ആമസോൺ മേഖലയിലെ പ്രകൃതിയോടിടപഴകിയുള്ള അവരുടെ ജീവിതത്തിൽ നിന്ന്...
കൂടുതൽ‍ വായിക്കൂ

ഇഷ്ടമുള്ള ജോലി, ഇഷ്ടമുള്ള സ്ഥലത്ത്; ഗിഗ് ഇക്കോണമി ബിഗ് ആകുന്നു

ഇമേജ്
രാവിലെ നേരത്തെ എഴുന്നേറ്റ് ഒമ്പതു മണിക്ക് ഓഫീസിലെത്തണം. വൈകിട്ട് അഞ്ചുമണി വരെ ഇരുന്ന് ജോലി ചെയ്യണം. തോന്നുമ്പോള്‍ ഇറങ്ങാന്‍ കഴിയില്ല. അത്യാവശ്യങ്ങള്‍ക്ക് ലീവ് കിട്ടില്ല. ലീവെടുത്താല്‍ തന്നെ സാലറി നഷ്ടപ്പെടും. ഒരു വ്യവസ്ഥിതമായ ജോലി ചെയ്യുമ്പോഴുള്ള ബുദ്ധിമുട്ടുകളാണിതൊക്കെ. എന്നാല്‍ ഇതൊന്നുമില്ലാതെ ജോലിചെയ്യാന്‍ കഴിയുമോ? കഴിയും! അതാണ് ഗിഗ് വര്‍ക്കിന്റെ ഗുണം. ഒരാളുടെ കഴിവിനനുസരിച്ച് ഇഷ്ടമുള്ള ജോലി, ഇഷ്ടമുള്ള സ്ഥലത്ത്, ഇഷ്ടമുള്ള സമയത്ത് ചെയ്യാം എന്നതാണ് ഗിഗ് വര്‍ക്കര്‍ ആയാലുള്ള ഗുണം. ഇവിടെ ജോലി ചെയ്യിപ്പിക്കുന്ന ആളും ജോലി ചെയ്യുന്ന ആളും തമ്മില്‍ മുതലാളി-തൊഴിലാളി ബന്ധങ്ങളില്ല. നിങ്ങളുടെ ബോസ് നിങ്ങള്‍ തന്നെയാണ്. നിങ്ങളൊരു സ്ഥാപനത്തിന്റെ പേ റോളില്‍ ഉണ്ടാകില്ല. പകരം, പണം നല്‍കുന്നത് നിങ്ങള്‍ ചെയ്യുന്ന പ്രോജക്റ്റുകള്‍ക്കാണ്. സ്വന്തം കഴിവുകള്‍ വില്‍ക്കുക ജോലിയില്ലാതിരിക്കുമ്പോള്‍ പണത്തിന് ആവശ്യം വന്നാല്‍ പറമ്പിലെ കശുവണ്ടിയും തേങ്ങയും കുരുമുളകുമൊക്കെ സംഘടിപ്പിച്ച് വിറ്റ് തല്‍ക്കാലം ആവശ്യങ്ങള്‍ നടത്തിയിരുന്നതു പോലെ ഗിഗ് ഇക്കോണമിയിൽ ചെയ്യുന്നത് സ്വന്തം കഴിവുകള്‍ പൊടിതട്ടിയെടുത്ത് തേച്ചുമിനുക്കി അവത...
കൂടുതൽ‍ വായിക്കൂ

കുരുമുളകും കണ്ടെന്റും.

 കേരളത്തിലെ ഗ്രാമപ്രദേശങ്ങളിൽ മെതിച്ച കുരുമുളക് ഉണക്കാനിടുമ്പോൾ അതിന്റെ ഒഴിവാക്കുന്ന തിരികൾ വഴിയിൽ വിതറിയിടുന്നത് കണ്ടിട്ടുണ്ടോ? എന്തിനായിരിക്കും അത് വഴിയിലാകെ വിതറിയിടുന്നത്? പലരോടും അന്വേഷിക്കുമ്പോൾ അതൊരു വിശ്വാസത്തിന്റെ ഭാഗമായാണ് ചെയ്യുന്നത് എന്നാണറിഞ്ഞത്, വഴിയിലിട്ട് ആളുകൾ ചവിട്ടി നടന്നാൽ അടുത്ത തവണ കൂടുതൽ വിളവുണ്ടാവും! എന്നാൽ യഥാർത്ഥത്തിൽ ഇതൊരു മാർക്കറ്റിങ് ടെക്നിക്കായിരുന്നു. പണ്ട്കാലം മുതൽ തന്നെ കേരളത്തിന്റെ  പ്രധാന സുഗന്ധവ്യഞ്ജനവും നാണ്യവിളയുമാണല്ലോ കുരുമുളക്, അത് തേടിയാണല്ലോ യാത്രാ സൗകര്യങ്ങൾ കുറവായിരുന്നിട്ട്കൂടി വിദേശികൾ പോലും കേരളത്തിലെത്തിയിരുന്നത്. എന്നാൽ ധാരാളം ഉണങ്ങിയ കുരുമുളക് വീട്ടിലുണ്ടെന്നെങ്ങനെ പുറംലോകമറിയും? അതിനുള്ള മാർഗ്ഗമാണീ വിതറിയിടൽ. കുരുമുളക് മെതിച്ചെടുത്തശേഷമുള്ള തിരികൾ (കുലകൾ)വീട് മുതൽ  വഴിയിലൂടെയങ്ങനെ ഒരുപാട് ദൂരം വിതറിയിടും,അത് മനസ്സിലാക്കി കുരുമുളകുള്ള വീട്ടിലേക്ക്  കച്ചവടക്കാരെത്തും. പിന്നീട് കാലം മാറിയപ്പോൾ അതൊരു വിശ്വാസവും ആചാരവുമൊക്കെയായി ഇന്നും തുടരുന്നു. എന്നാൽ ഇന്ന് ഗിഗ് ഇക്കോണമിയുടെ കാലത്ത് നമ്മുടെ കഴിവുകളാണ് പ്രൊഡക്റ്റ്, ...
കൂടുതൽ‍ വായിക്കൂ